Շատերին հետաքրքրում է՝ հնարավոր է արդյոք մարել այն վարկերը, որոնք ձևակերպվել են վերջերս։ Պատասխանը դրական է. աջակցությունից կարող են օգտվել այն շահառուները, ովքեր հիփոթեքային վարկը ձևակերպվել են մինչև 2025 թ. հուլիսի 1-ը։

Պետությունը մարում է վարկի մայր գումարի մի մասը. 1-ին կամ 2-րդ երեխայի դեպքում՝ մինչև 500,000 դրամ (Երևանում 5%, մարզերում 10%), 3-րդ երեխայի դեպքում՝ մինչև 2,000,000 դրամ (Երևանում 25%, մարզերում 50%): Մինչև 25 տարեկան ծնողների համար գումարներն ավելի մեծ են:

Արտոնությունից կարող են օգտվել վարձու աշխատողները, եթե գործատուն ամբողջությամբ կատարել է հարկային պարտավորությունները: 2018-ից հետո ստացված վարկերի դեպքում վարկառուն կարող է օգտվել ծրագրից միայն մեկ անգամ՝ որպես վարկառու կամ համավարկառու:

Այն ընտանիքները, որոնց դիմումը մերժվել է, բայց նրանք համարում են, որ իրենց դեպքն անհատական մոտեցման կարիք ունի, կարող են դիմել հատուկ ստեղծված միջգերատեսչական հանձնաժողովին։ Ժամկետ. Մերժումն ստանալուց հետո երկամսյա ժամկետում։ Ինչպե՞ս դիմել. e-request.am հարթակի միջոցով կամ առձեռն՝ Աշխատանքի և սոցիալական հարցերի նախարարություն։

Եթե Դուք արդեն իրացրել եք Ձեր հավաստագիրը և գնումից հետո ունեք դրական մնացորդ, ապա այո՛, այն կարող եք ուղղել տան վերանորոգմանը։ Գումարի չափը. Վերանորոգման համար կարող է հատկացվել մինչև 4 մլն դրամ։ Լրացուցիչ. Ընտանիքի 6-րդ և հաջորդ յուրաքանչյուր անդամի հաշվով գումարն ավելանում է 800 հազարական դրամով (բայց ոչ ավելի, քան ընդհանուր 8 մլն դրամը)։